وەرزو وەهارو هۆرامانی بە دەنگوکاک فەرێدونی بەهرامی هانە گەرمەڵەی

زمسانا عالەم ڕچیان و  شارو دەگا وکەشو دەشت پۆژیان جە وەروێ مریچڵێ و پەلە وەرێ واردەمەنیشا مۆشکڵ دەس گنۆ مینیچ نەختێ نانە م ورذە کەردێنە سەرو وەربەرەو دەلاقەکێنە و دوربینو کامپیوتریم لکنان گۆشەو وەنە دیکەرە لاو  دەلاقەکێرە (وەنە دیکە یانی شیشێ یام جام)وە تەماشاو مریچڵا وجارو بار کاوەترا کەرو کە مەیاوەرۆوە و نانە وەرا و باڵێ گێراوە جا منیچ گۆشم وهۆشم ئینا دەنگە تەسکین دەرەکەو کاکە فەرێدونی هانە گەرمەڵەی وە کە بە شێعڕێ و پەخشانێ گێڵۆ پا کوێستانا هۆرامانیرە وە هەریاگێ گۆڵێش ئینا چەنە نیشووە و چەنیش بوەش کەرونە وتێر تێر سێرانو هۆرامانی کەرو جا حەزم کەرد شمێچ گۆشش داردێنە وە تا تاودێ بەهرەش چەنە ویندێ.

مەرحومو نەمری کاکە قارە پاوەئی  کە دەنگش بە راسی تە سکین دەرو دڵو دەردەدارانەن پێشکەش بە گردە هۆرامی زوانێ یاذش بە خێر رۆحش شاد خوا بە جەننەت شاذش فەرماووە ئێ دەنگەشە جە تارێخو 24/12/2010 سەعات 12:زەبتم کەرد پا بۆنەوە کە دەنگش هەر بمانۆ پەێ ئانیشآنە کە وەششا مەێ جە دەنگیش

پیر شالیار هۆنڕاوێ بە دەنگو مەرحومو ماموستای نەمری باقی صفاری مسگر

په‌خشانه‌ و ئاخرین نامێ پێ کۆچو دمائینو ماموستا باقی سه‌فاری هۆنراوێ ماموستای پایه‌به‌رز ماموستا علی ئه‌شره‌ف عه‌زیززاده‌ به‌ ده‌نگو پڕسۆزو جه‌نابیش

ئاخرین نامێ:

په‌خشانێ به‌ سه‌ردێروو ئاخرین نامێ  جه‌ ماموستای پایه‌ به‌رزی وه‌شه‌ویست ماموستا علی ئه‌شره‌ف عه‌زیززاده‌ پێ کۆچو دمائینو ره‌فێقی گیانیش ماموستا باقی سه‌فاری
به‌ ده‌نگو پڕ سۆزو هه‌ناسه‌و گه‌رمو جه‌نابو وێشان
دۆعامان جه‌ بارگاو خواوه‌ن ته‌عالای ئێنێنه‌ که‌ عۆمرێ توولانی و درێژ به‌ ماموستا عه‌لی ئه‌شره‌فی عه‌نایه‌ت فه‌رماوو پێ خزمه‌ت که‌ردێ فره‌ته‌ری به‌ یانه‌و ئه‌ده‌بیاتو و کتێوخانی هۆرامی و کۆردی وه‌ڵاته‌کێمان  هه‌ر پاسه‌ ته‌ڵه‌بوو عه‌ففوو به‌خششی پی ڕۆحیانه‌تو ماموستا باقی جه‌ بارگاو خوای گۆره‌ی ئنشاالله‌  ڕۆحش  به‌ به‌هه‌شت شاد فه‌رماوۆوه‌.
ئامین
  

pir shalyar we hawraman honraweai je kak baghi nemeri_1.wmv

پیر شالیار و هۆرامان

ماموستا ی نه‌مر ماموستا باقی سه‌فاری مسگه‌ر

پیر شالیار

پیر شالیار و هۆرامان
هۆنڕاوێوه‌ جه‌ هۆنڕاوه‌کانو ماموستای پایه‌به‌رز نه‌ مر باقی سه‌فاری مۆته‌خه‌لیس به‌ مسگه‌ر به‌ ده‌نگو وێش که‌ پی تلویزیونی  هۆنیبێنه‌شه‌وه‌
ساڵه‌و هه‌شتاو چواری کۆچی وه‌ره‌تاوی مه‌ریوان

نامێوه‌ جه‌ نامه‌کانوو مه ‌‌رحوموو شاعر و نویسه‌ر کاک باقی صفاری

نمونه‌و خه‌تو مه‌رحومو کاک باقی صفاری
پێ ئاگاداری ئه‌شیۆم واچوو که‌ ئێ شعرێ نمه‌ زانو هنۆ کام شاعرینه‌  به‌ڵام مه‌رحومو شاعری جه‌ سه‌ر خه‌تو نامێوه‌نه‌ نویسێبێش

چه‌مه‌ که‌م چه‌مان چه‌مه‌ڕای ڕاته‌ن
مۆژه‌م جاڕووکێش گه‌ردی پاڵاته‌ن

چه‌مان دیده‌که‌ت دڵ نه‌ دیده‌م به‌رد
گۆشه‌ی چه‌مه‌که‌ت جه‌سته‌م که‌رد وه‌ گه‌رد

هیچ یانه‌وبه‌ره‌ وبه‌ناێوه‌ محکه‌م نیه‌ن که‌ڕۆیوه‌وێران نه‌وۆ
هیچ دۆسێوه‌ پایه‌دارنیه‌ن که‌ ڕوێوه‌ فه‌راموش نه‌وۆته‌نیا کتێوه‌ن که‌ پێسه‌و زه‌مانی پایه‌دارو جاویدانه‌ن..........

مه‌ریوان ڕۆشه‌ممه‌ی به‌فرانبارهه‌شتاو چواری
26/10/1384
باقی صفاری

کۆچی دوای شاعر نوسه‌ر و مامۆستای نه‌مر مه‌رۆحومی باقی صفاری به‌ بنه‌ ماڵی به‌ڕێزی به‌ دۆستان و ئاشنایانی سه‌ره‌ خۆشی ده‌ڵیم ئنشاالله‌ ڕۆحی به‌ به‌هه‌شتی به‌رین شاد ببێته‌وه‌

انا لله‌ و انا الیه‌ راجعون

ڕۆحش شاد

هه‌ناسه‌ی سه‌رد

هاوار جه‌ ده‌مه‌ی هه‌ناسه‌ی سه‌ردم

بۆ پڕوس سۆته‌ی تۆتۆی جه‌رگم

قرچه‌ی مێڕیای بڕبڕی پشتم

بڕیا توانا فۆتیا هه‌ستم

له‌رزان کۆتان ئه‌رز زه‌نگۆڵ شکسته‌

چۆکش دان په‌نه‌ ئێ باره‌ سه‌خته‌

ئای نه‌ ده‌س به‌رشی ئا گه‌نجه‌ نه‌خته‌

قێرش نه‌زانا ئێ سیا به‌خته‌

تێر تێر نه‌نۆشام ئاو نه‌ ئا چه‌شمه‌

سیا وا ئاوما وشک بی ئا به‌شمه‌

شه‌وان تا به‌ڕۆ شین وزاریمه‌ن

چێ زامه‌ سه‌خته‌ ده‌ردی کاریمه‌ن

ئازیز نه‌زانام عۆمری گۆڵ که‌مه‌ن

دڵ جه‌ کۆچی ناوه‌عذه‌ت پر جه‌ ماته‌مه‌ن

چه‌مم چون ده‌ریا لافاوش جارین

دڵ له‌ت له‌ت بیه‌ن ئێ ده‌رده‌ کارین

وه‌ته‌ن سیا پۆش هۆرامان خه‌مگین

جه‌رگه‌ی ڕه‌فێقان داخدارو خه‌مگین

هۆری ڕه‌ش شاهۆش پۆژناش ئارۆ

چون ئازیز مه‌رده‌ شرێخناش ئارۆ

وه‌شت به‌ تاو خۆڕه‌م نه‌ڕوی که‌مه‌ردا

لافاوش هۆر که‌رد نه‌ڕوی ده‌مه‌ن دا

کۆساڵان بێ تۆ ده‌ماخش نیه‌ن

داڵانی بێ تۆ سه‌فاش پێم نیه‌ن

چنور جه‌ شاهۆ وه‌نۆشه‌ی باخان

سه‌رکزو خه‌مبار چون دڵ پڕ داخان

ژیوایم فره‌ تاڵه‌ن تاڵته‌ر بی ئارۆ

بێکه‌س بیم دایم بێکه‌س ته‌ر ئارۆ

زیندگیمچون ژار تاڵو بێ تام بی

یانه‌ی ته‌نیایم تاریکو تار بی

ئازیز به‌بێ تۆ ژینم زیندانه‌ن

ئه‌لوه‌دای ئاخر ئه‌وه‌ نۆمامه‌ن

ساعه‌ت یه‌کو چلو هه‌شت ده‌یه‌قێ سۆحی29/07/2010