به بۆنه وکۆچو دماینو ماموستا ناصر مبارکشاهی
هێماش خزمه‌ت به هۆنه‌ر و ئه‌ده‌بیات و فۆلکۆلۆرو سینه‌ما ونمایش وته‌ئاتری هۆرامی بێ .
هه‌ڵاییاذمه‌ن گرده وێريگای کلاسۆرێ وده‌فته‌رێ بن باڵشه‌نه بێ و ته‌نیا وه‌رو پایا ووێش ته‌ماشاکه‌رێ روو به یانه لوێوه‌و، به بێ چه‌م تروکنای جگه‌رێ دلێ په‌نجانشه‌نه ودوکه‌ڵو جگه‌ره‌کێش نیمه‌ش په‌و دیمو ملیشه‌ره و نیمه‌ی ته‌ریش پێسه هۆرێ ئه‌و دیمو ملیشه‌ره دێ دلێ ڕیشه کێ شه‌ره وپه‌شته‌و سه‌رێشه‌ره وه‌ڵاو بێوه وگم بێ پێسه یادو گرده که‌سێ که چه‌نی گرده وێره‌گێ پێسه سه‌یه‌وه دماو وه‌ره‌تاو پڕی مه‌شۆوه و ئیتر هیچ . هه‌لای یاذمانه‌ن که چه‌نی نمایشه‌کاش ئاورێ سه‌رو سه‌حنه‌ی یاذمان نه‌شیه‌نۆ به‌شداریش دلێ فیلمێ نیمه کۆردی و نیمو هۆرامینه .
جارو باریچ تا موڵه‌تش بیایا دوکانه‌که‌شه‌نه جه مێذانو مۆله‌وینه نیشێره و به ته‌عمیر که‌ردێ رادێۆ زه‌فتێ وته‌له‌فیزیۆنێ کۆنێ وتازێ وقۆڕازێ ونیم داشتێ خه‌ڵکی هه‌ژار و فه‌قیری خزمه‌تێ ته‌ری خه‌لکو شارو دێهاتانو شارو پاوو و هۆرامانی که‌رێ .
ئیسه که کۆچش که‌رده‌ن ئیتر پێسه گردو کۆچ که‌رده‌انێ ته‌ری خه ڵک مه‌زانو قێر وقیمه‌تش.
جه خوای گۆره‌ی داوا کارێنم به ڕه‌حم و مه‌رحه‌مه‌تو وێش عه‌فوه‌ش فه‌رماوو وه ڕۆحش به جه‌ننه ت شاذ فه‌رماوۆوه وه سه‌بر به که‌س و کاریش عه‌نایه‌ت فه‌رماوو. زایه‌نده و ساڵه و1336 کۆچی دمای ساڵه و13.11.1390
هیچ نظری موجود نیست:
ارسال یک نظر