ئازاذی یانیچێش چێشا چه‌نی به‌ده‌س مه‌ێ؟ ڕاساچامنه‌نه که باسش چۆ که‌را؟ئه‌رێ هه‌ر ئازاذی هه‌ن پاسه که دڵمان ئینا پۆوه به دی مه‌ی یان نا؟
کلێمێ ئازاذی کلیمێوه‌نه فره شیرینه پێسه هه‌نگوینی چه‌نی مه‌شی ومێشولێ ومرۆچێ هه‌ر جه دوره‌وه شێتێش با و به په‌له په‌ل هاجێ با وێشا وزا دلێ گرده گه‌رداوێ تا وێشا یاونا په‌نه‌ش وه‌ختێ یاوێ لاش و ئه ن گوسته‌شا ئاسته‌ره تا کلکێ جه ڕینگاڵه زێرینه‌کێش وه‌رگێرا و نیاش سه‌رو زوانی چه‌شاش به‌ڵام ئه‌ێ دڵی غافڵ ئیتر ئه‌نگوسته چه‌سپیۆ پۆره‌شه‌ره تا به ده‌ستێ ته‌ری ته‌قه‌لا که‌رۆ ئه‌و ده‌سته‌که‌ی نه‌جات دۆنه ئه‌ویچ لکۆ پۆره‌شه‌ره و یه‌واش یه‌واش پیسه چه‌سپو مڵه‌ێ که تلیان دۆرو پله مه‌ژگێره مڵه‌ێ بێ خه‌بهر چه‌نی ملو سه‌رشه‌ره تایاو به پله مه‌ژگه‌ی ئیتر بۆ دامیه‌وه و وه‌رش مه‌ذۆ تا ......
ئینجا ئاهنگوینه فره شیرینیچه هه‌رپاسه هه‌ر مه‌شو مرۆچێوه که ملو تا ده‌میش چه‌نه شیرین که‌رۆنه تلیۆ به ده‌سو پا‌شه‌ره ئیتر وه‌رش مه‌ذۆ تا......به ڕاوو من ئازاذی چامنه‌نه
من تابه‌ئارۆ فره که‌سا په‌رسانم ئه‌رێ ڕاو جه‌نابیتا وه‌رانوه‌ر به‌چێوه‌ی پێسه ئازاذی چێشا ؟ جواشان دانه‌وه په‌نه‌م که جێوه‌ی چامنه که خه‌ڵک باسش چۆ که‌رۆ یان گۆمانش چۆوه که‌رۆوه راس نیا وجوذی خارجیش نیا
وه‌ختێ که‌لیمێ ئازاذی که‌فته گۆشت راسۆ خۆ ویر جه په‌له‌وه‌رێکه‌ریوه که قه‌فه‌سه‌نه داش شه‌قه‌و بالی وفڕڕه‌ش که‌رد و لوا...........
شنێوه وا مه‌ێ هه‌ست که‌ری ئینای سه‌رو هۆراوه باڵێ گیریوه هه‌ست که‌ری فره وه‌شتا ئازاذه‌نی یانی....
به ڵام با نه‌ختێ بلم سه‌رو باسه‌کێره چا وه‌ختێره که زاوڕۆ به‌دۆنیا مه‌ێ کارما به وه‌ڵته‌ریش نیا زو دماو ئانه‌ی نه‌ختی شۆریا و ته‌میش کریاوه پێچاش هۆلویره وسیپاڵێ کریا وه‌رش هه‌ر جه ئه‌وه‌ڵ ڕوه‌وه ئینه یه‌که‌م چێوا که ئازاذی ئا زاورۆیه که‌م که‌رۆوه...جا خاس ته‌ماشا فه‌رماودێ زاوڕۆ گره‌وو دڵش نیا سیپاڵێ کریا وه‌رش به‌ڵام به ئیجباری ئه‌شیۆم سیپاڵش کرێۆنه وه‌رش په‌ی پارێزنای جه وه‌رانوه‌رو سه‌ردا وگه‌رما و ....چێوانه‌ێ ته‌ری
ئینه ئه‌وه‌ڵ ڕۆ که‌م که‌ردێ ئازاذیه‌کانا جا ورده ورده که گۆره‌ته‌ری بی ڕاش په‌ی نریۆره که ئایا کؤڕا یان کناچێ و جۆرو سیپاڵه‌کاشا جیا کریۆوه کرده‌وه‌ێ جیاکارێشا نیشانه دریا جه پۆشته بیێ جه هۆرزه‌و ئه‌ره‌نیشتی و کرده‌وه جیاجیاکا جیا کریاوه .ئینه دوباره قۆڵ به‌ستێ ته‌ری که ئازاذیه‌کاجه ئێ به‌نی به‌شه‌ریه که‌م که‌رۆوه تا که گۆره بۆ هه‌ر پاسه دانه دانه دانه‌و خه‌نجیره‌کا زیاته‌ری بۆ تاوه‌ختێ مرۆ هه‌ر به‌رده‌واما .
هه‌ر دانێ چا سیلسیله‌و زه‌نجیرا یوه به‌نامێ قانون و یاسا و یوه به نامێ کۆلتور یوه به‌نامێ ئادابو هۆرزو نیشتی و ڕه‌سم و ڕسومو ودینو ........ئیلا ئاخر
جا زاناما که تائیسه ئیتر ئازاذی پاسه که مانایوه نامه‌فهومه ئینا دلێ دڵیمانه‌نه وجودی خارجیش نیا.
بابێمی سه‌رو باسه‌که‌ی وه‌رانوه‌رو ئازاذی پێسه ئازاذی به‌رد ێوه یان به هۆرامی هه‌روه‌نێووه یان به‌دیل گیریایوه.
من چێنه ئێ باسه‌یه به‌جۆرێته‌ری شی که‌رونه‌وه.ئێمه به‌نام مۆسڵمانێنم و گردێما زانم تا بڕێ ته‌ئرێخو ئیسلامی که چه‌نی ده‌سش په‌نه که‌رد و تا یاوا به ئارۆ.........
خاسا
گردێما نامێ بیلالی حه‌به‌شیما ئه‌ژنێنه که کابرایێ هه‌روه‌نه بێ جه ئه‌وه‌ڵ دۆرانو ئیسلامینه ئیمانش ئاورد ساحیبه که‌ش ته‌وه‌نی گۆرێش نیای سه‌رو سینه‌ێش و گرده جۆرێ ئازارش دا تا هۆر گێڵۆوه په‌نه‌ش وات ئه‌گه‌ر ده‌س جه ئێ دینه تازه‌یه باری ئازاذیت په‌نه مه‌ذۆنه ده‌ستش ناست تا حه‌زره‌تو ئه‌بوبه‌کری به زه‌ڕ ئه‌ستشه‌وه و ئازاذش که‌رد و چه‌نی ماباقی مۆسڵمانان پێسه برای ژیوا فره قێر و حه‌رمه‌تیچش به‌ده‌س ئاورد زیاته‌ر جه ئازاذێش هه‌ر پاسه
وه‌رانوه‌ر به بیلالی گردێما زانم که هه‌روه‌نێ ته‌ری ڕه‌ش پۆس بێ نامێش وه‌حشی بێ هه‌روه‌نه‌و ژه‌نه‌و ئبوسفیانی بێ وه‌ختێ جه یۆ جه جه‌نگه‌کانه ئه‌بو له‌هه‌ب کۆشیۆ کناچه‌کێش که ژه‌نه وئه‌بو سفیانی بۆ به وه‌حشی هه‌روه‌نێش واچو که جه نێزه فڕه‌داینه فره فره مه‌هارتێ خاسش بیه‌ن ئه‌ر تاوی حه‌زره‌تو حه‌مزه‌ی مامۆ حه‌زره‌تو مۆحه‌ممه‌دی (سه‌لله‌ڵاو عه‌له یهی وه‌سه‌له‌م)کۆشینه پێم ئازاذی دۆنه په‌نه و هه‌رپاسه زه‌ڕو زیوه‌ی فره .....
تا لێ یۆ جه جه‌نگه‌کانه حه‌زره‌تو حه‌مزه‌ی به‌ده‌س ئاذی شه‌هید بوۆ ژه‌نه‌و ئه‌بوسفیانی ئازادیش په‌نه دۆ پاسه که قۆڵش دابیه‌ن وه‌ڵته‌ری په‌نه‌ش چه‌نی بڕێ زه‌ڕی
سه‌وای سه‌حبێ زوو وه‌حشی مێزه‌ره وئازاذی پێچۆوه و لیباسێ پیانێ که‌رۆنه و پاسه که عه‌ره‌بێ باوشا بیه‌ن گرده ڕوێ په‌ێ پیلان به‌سته‌ی وه‌رانوه‌رو مۆسڵمانانه ئه‌ره‌نیشته‌شا بیه‌ن وه‌حشی پیسه پیای ئازاذ وحری ملو جا نیشوره گرد چه‌مێشا پڕا تۆقه‌و سه‌رێشا واچا ئه‌رێ کابرای هه‌روه‌نه‌ی ڕه‌ش چێنه دلێ پیا ماقوڵانه چێش که‌ری""""
ئاذیچ ته‌رێق بۆوه سه‌ره ئازۆره به‌سه‌رشۆڕی جه‌ماعه‌ته‌کی ئازۆ جیا دلێ شارو مه‌کێنه یاوو هه‌رکه‌سی به‌ئه‌نگووسه نیشانه‌و یۆترینی شا دا و واچا ئاها ئینه هه‌روه‌نه‌که و فڵانێێه‌ن . ئا ئه‌پێ جۆره وه‌حشی هه‌روه‌نه‌یه‌که‌و جارانیش په‌نه ڕاحه‌ته‌ر ووه‌شته‌ری بیه‌ن تا وه‌ختێ مه‌رۆ هه‌ر ئائازارێ چه‌نیش بۆ هه‌رچه‌ننه وه‌ختێ سۆپاو ئیسلامی شارو مه‌که‌ی فه‌تح که‌رۆ بیلال لاو ره‌سولی وه سڵامش وه‌نه بۆ ته‌قازاو عه‌فوێش که‌رو بۆ به واسیته به‌ڵام هه‌تائاڕۆ مه‌رد هه‌ر وه‌روێشه‌نه ورته‌ش ئه‌ی واێ مه‌ردێ خاسته‌را چێ وه‌زعیه‌تیه جه تیرو تانه وته‌شه‌ری که هه‌رساتێوه‌ش گۆڕه‌و شوارێوا.....
به‌ڵام چاولاوه ته‌ماشا که‌رم که بیلال دلێ مه‌دینێنه گه‌شه که‌رۆ بۆ به وه‌شه ویسو ڕه‌سولی سڵامش وه‌نه بۆ بۆ به مۆئزنی تایوه‌تی ئه‌شیۆم زانم ئه مۆئزین یان بانگ واچ
چا دۆرانه‌نه پێسه بیه‌نه ڕادیۆ وتله‌ویزیونو ئارۆی که‌سێ که په‌نج وه‌خته خه‌ڵک به ده‌نگیش مه‌لا پێ مزگی جه‌مێ باوه په‌ی گۆره ته‌رین مه‌راسمی مه‌ذهه‌بی مۆسڵمانا جه ڕۆنه
که‌س وردیته‌ر جه وێش مه‌زانۆش پاسه که ڕه‌نگه وپۆسته‌کێش ڕه‌شه بیێنه که‌س به ره‌شش مه‌زانۆ وه‌ڵته‌ری هه‌روه‌نه بیه‌ن به‌ڵام گرده مۆسڵمانێ ئاره‌زوش بیه‌ن که به‌یاگێ ئاذی بیایا ئانه ئازاذی وه‌حشی چاولا وه جه دۆنیا ودۆنیا په‌ره‌ستا ئینه ئازاذی بیلالی جه دلێ دۆنیا و خوذا په‌ره‌ستا ئیتر قه‌زاوه‌ت وداوه‌ری به وێتا
جا مێمێ وه ئارۆ دۆنیا و ئارۆ غه‌رب یان ئۆروپا و ئامریکاو بریتانیای که یه‌که‌م وه‌لاته‌کێ ئازدێنێ جه دۆنیانه زانم ئازذیه‌که‌شا چه‌نینا ڕاسا؟
هاووه‌ڵاتێێ ئه‌چێ وه‌ڵاتانه چه‌نیا ئازاذیه‌کاشا؟
ئێ که‌سێ که خه‌لکو وه‌ڵاتاته‌رین وچا وه‌ڵاتانه ژیوو و ئازاذیه‌که‌ش پێسه‌نه ئاهاووه‌ڵاتیه ئه‌سڵیا ؟ یان نا؟
ئیسه دلێ وه‌ڵاتا ئه‌جنه‌بینه فره خه‌ڵکو لاو وێما ژیوا خاسته‌ریزانا ماناو ئازاذی دلێ ئێ وه‌ڵاتانه یانی چێش ئازاذی په‌ێ ژه‌نێ چه‌ننا و په‌ی پای یان هه‌ردویشا یانی چێش په‌ێ یا یاوارا که چآ وه‌ڵاتانه ژوا جه چوار گۆشه‌و دۆناینه هه‌رکام به ده‌ردێوه وه‌ڵاتشا ئاسته‌ن جیا چا ئاده‌رده‌و غه‌ریبیشا نه چه‌نی نامێ نیان ئازاذی هه‌رچه‌ن تێر وته‌سه‌لێ با به‌ڵام هه‌میشه نامێ مهاجر یان ئه‌سڵ یان ره‌گه‌زی ئه‌سڵیشا پێسه وتانێوه ئینا ناوچاوشانه‌نه و هه‌تا هه‌تان پاک نمبۆوه ونمه‌سڕیۆوه.
ئیسه دلێ وه‌ڵاتا ئه‌جنه‌بینه فره خه‌ڵکو لاو وێما ژیوا خاسته‌ریزانا ماناو ئازاذی دلێ ئێ وه‌ڵاتانه یانی چێش ئازاذی په‌ێ ژه‌نێ چه‌ننا و په‌ی پای یان هه‌ردویشا یانی چێش په‌ێ یا یاوارا که چآ وه‌ڵاتانه ژوا جه چوار گۆشه‌و دۆناینه هه‌رکام به ده‌ردێوه وه‌ڵاتشا ئاسته‌ن جیا چا ئاده‌رده‌و غه‌ریبیشا نه چه‌نی نامێ نیان ئازاذی هه‌رچه‌ن تێر وته‌سه‌لێ با به‌ڵام هه‌میشه نامێ مهاجر یان ئه‌سڵ یان ره‌گه‌زی ئه‌سڵیشا پێسه وتانێوه ئینا ناوچاوشانه‌نه و هه‌تا هه‌تان پاک نمبۆوه ونمه‌سڕیۆوه.
هیچ نظری موجود نیست:
ارسال یک نظر